الكاشف نيوز — هل أقطع علاقتي بها ؟

السلام عليكم

انا بدي اسال ليش السلفة بتكره سلفتا...ومابتطيقها ..ولا تحكولي غيرة...سلفتي اصغر واحلى مني
كل ما بتجي لعندي بدا تمسح الصحن والشوكة...بتطلع بالكاسة من جوا وبتبلش تمسحها قدام الموجودين...زوجي بلش يشك بنظافتي...طول مانا قاعدة بتحكي مثاليات و كيف هي بتقتصد بالمصروف و شو بكون مشترية انا بتقول انا مستحيل اشتريه هدا غالي ما بيصير.....صار زوجي مقتنع انها ست بيت اكتر مني وانظف مني.....انا بنت ناس والله تربايتي ما تسمحلي امسح صحن حدا مقدملي ياه ببيته...او انقد سلوك امراة قدام زوجها...ولولا تقديري لزوجها و محبتي لزوجي و الولاد بيحبوا بعض كتير...كنت مسكت هالصحن و كسرته على راسها وبلا ترباية وبلا بلوط...لايمتا بدنا نضل نتحمل قلة ذوق الاخرين.....شو بتنصحوني.....اعمل متل ما بتعمل ولا اقطع العلاقة معها نهائيا