أخر الأخبار
كيف ممكن زوجي يتخلص من هالست الي حلت مكاني ؟!
كيف ممكن زوجي يتخلص من هالست الي حلت مكاني ؟!

السلام عليكم قصتي طويلة جدا لكن انا راح اختصرها 
انا سيدة في اواخر الخمسينات متزوجة من حوالي ٣٥ سنة
لما تزوجت زوجي كان فقير جدا لدرجة ما كان معنا نحط ستاير عالشبابيك واكتفينا بالجرايد وبعدين الله اعطانا من اوسع ابوابه وصرنا اغنياء جدا وصار عنا اولاد وبنات ( حاليا كلهم متزوجين) وقبل حوالي اربع سنوات لفت على زوجي وحدة وتزوجها ولاني زعلت من تصرفه انه تزوج من وراي وبعد هالعمر الطويل كانت ردة فعله انه اخذ كل ما املك بدون علمي وباع ذهبي واملاكي لانه كنت عاملاله وكاله عامة من باب الثقة العمياء الي كانت بينا وبطل يصرف على بيته ولا فلس
وحتى اولادي كسبهم لصفه بفلوسه
وما عندي اهل الا اخ وظروفه ما بتسمح يستقبلني فيه بيته..
مش عارفه شو اعمل ولا لمين اروح بعد ما الكل تخلى عني
والتانية بتسرح وبتمرح في البيت الي بنيته طوبة طوبة وبتتمتع هي واهلها بفلوس زوجي الي مفروض انا اتمتع فيها بعد هالعمر وحسبنا الله ونعم الوكيل
انا مؤمنة انه الي انا فيه ابتلاء واكيد اجري عند ربنا عظيم
بس مش عارفه كيف ممكن زوجي يتخلص من هالست الي حلت مكاني ورمتني في الشارع
شوروا عليي الله يخليكم لاني راح انجن من الحزن الي انا فيه
وبارك الله فيكم