×

مرحبا

انا بنت دخلت جامعه جديد .. بحياتي ما مريت بقصة حب او غيره لانو كل نمط حياتي مو ماشي مع هيك قصص -ما عندي وقت - دخلت الجامعه وبحكم انها جامعه صغيرة تعرفت ع اغلب الناس الي هناك ... تعاملت مع كتير ناس وكتير شباب .. عجبتني شخصية واحد منهم .. لفتني .. اسلبو حكيو طريقة تفكيرو .. بشبهني كتير ... صرنا نحكي وهيك وبلشنا صحبة .. بهديك الفترة كنت ما بين بدي اياه وما بدي اياه يعني مترددة او بالاعم خايفة .. بلشنا يصيرر بينا مواقف وقصص وغيرو وبلش يبين اعجابو فيي .. بس حسيت باشي غريب ... في استغلال بالموضوع .. بحاول يستفيد مني بكتير اشياء .. ما بنكر انو اانا استفدت منو في بعض المواقف بس مش دايما ومو بهاي الطريقة .. يعني مو عارفة هو من باب صداقتنا بعمل هيك او بستغل اعجابو فيي لمصلحتو ... انا كتير لغيت امور بينا ... بحيث صرنا رسمين جدا مع بعض .. بمر من جنبو اكتر من مرحبا ما بحكي ... وما بنكر اني كتير متاثرة و صابتني خيبة أمل بعد هاد الي حسيتو .. بحسو بدو يفهمني انو انا فاهمه غلط بس مو معطياه مجال ... مو عارفة شو اعمل .. ندمانة كتير ع اني من الاساس سمحت للعلاقة تتطور بينا تحت مسمى الصداقة