×

مرحبا

بدي أستشيركم بموضوع تعبني سنين مع زوجي، أنا منذ ست سنين متزوجة عن حب، ومشكلتي مع زوجي أنه يخونني منذ بداية زواجنا للآن، وكل مرة مع واحدة، مع العلم أحسه يحبني ومابدو يخسرني، وكل ما أوصل للطلاق وأحاول أتركه يعمل المستحيل حتى أرجع له، وبرضو يرجع يخونني، وحاولت أهجره وأنا في البيت، وأقول له:
اتركني بس أربي أولادي، برضو يظل ورائي ليصالحني، وأنا تعبت، مو قادرة أعيش معه طبيعياً، وأعمل حالي ما بعرف، دائماً بشوف آثار ميك آب على ملابسه، وتعبت نفسيتي كتير. 
الشك قتلني ومش مرتاحة معه، نفسي أعيش حياة طبيعية معه، مش قادرة، ومو قادرة أسامحه على كل إللي مضى، خصوصاً أنه مستمر بالخيانة، هو هلا بحسه بدو نعيش بدون مشاكل، وبدي ياني أثق فيه، ومابدو ينخرب بيتنا، بس أنا ما بثق فيه، ومش عارفة كيف أتصرف معه، هو خلاني بحيرة؛ لأنه بدو يكون له علاقات ويخونني، وبنفس الوقت بدو ياني أكون زوجة دائماً مبسوطة، ومش مقصرة معه، والطلاق كتير صعب؛ لأني رح أخسر أولادي، وحاولت معه الهجر ما نفع، وبرضو حاولت أكسبه وأظل مرحة معه، وما أعمل مشاكل، برضو يخونني. 
بدي تقولوا لي كيف أتصرف؟ شو الحل لأنه هاد الموضوع كتير مأثر على نفسيتي ومتعبني، بكون ممنوتكم، وشكراً لكم.