×

السلام عليكم

أنا عمري ٢٢سنة، تفكيري أن أرتبط بشخص سواء من قريب أو بعيد يجيب لي الخوف الشديد من الارتباط ودايماً أحس أني إذا حدث ارتباط أتعب وتتغير حياتي للأسوأ، شفت أمي وأخواتي وكانوا درساً لي إني أفكر بنفسي وبس شفت أمي وهي تبكي من مواقف لها مع أبي، وأختي انخطبت ولكن انفصلت عن خطيبها بعد فترة، وأثر هذا الشي فيني جدااا وبرضو طفولتي مرت بمواقف صعبة ومؤلمة المهم تراكم عليّ كل شيء وتأثرت نفسياً وجسمياً، وزني فوق ١٠٠، وفيه شخص دخل حياتي وحابه أتجاوز كل شيء وأحبه بس والله ما قدرت؛ لأنه ما يعرفني شكلي وزني، فحالياً أنا بلحظة ابتعاد عنه، وأرتاح لما أبتعد وأرجع آكل بنهم وبعدها أشوف أني ما أرضيت نفسي ولا حققت اللي أبتغيه.
أنا طالبة بدبلوم مالية مصرفية وممتازة، وما زلت لم أفهم نفسي أو أحقق أي تقدم.
دايماً أقول إذا بفكر بزواج بزوج بعمر الـ٣٠ وأبغي أبتعث وأدرس وأتوظف بمنصب متميز.
هذا بعض اللي يهمني، مشكلتي دايماً أفكر برضا غيري وما عمري أرضيت نفسي إلا بالأكل، ما أقصر ملابس جسمي جد أحتاج مساعدة عشان أطلع من قوقعتي اللي علقت فيها.