لماذا المرأة يجب تدفع ضريبة لكل شئ ؟
السلام عليكم
أنا امراة عمري 26 متزوجة وعندي اطفال وبشتغل موظفة بمؤسسة كبيرة ، بتعرض لكمية تحرش فظيعة مش باللمس بس بالحكي يعني سواء من الموظفين أو المراجعين مع انو ربنا شاهد اني مستورة ولبسي مستور وما الي بالدواوين والقذارة .. يعني الحمد لله ع نعمة ربنا وربنا أعطاني شوية جمال بس الكل بحاول يستغلني ومحدش يحكيلي اتركي الشغل لانو الوضع المادي سيء جوزي كل راتبو 1300 شيكل لشو ولا لشو بعدين انا درست وتعبت عشان اشتغل وبحب شغلي بس بحبش الناس الي بشغلي .. الله يستر علينا وع جميع الولايات .. اتقوا الله يا شباب والله عيب انو تستغل المرة بشغلها عشان تزيد راتبها ولا تترفع بمنصبها يعني انا لو بعطيهم الي بدهم اياه كان صرت مديرة بس عشان صاينة حالي دايرين وراي وبحاولو يضغط علي بالشغل وبحطو كلشي فوق راسي وبضل يبهدلوني ع الرايحة والجاية عشان استسلم .. ادعولي انو الله يثبتني بشغلي ويبعد عني اولاد الحرام لانو ازا ضل هيك الوضع رح اترك الشغل .. وحتى البنات بحاولو يعملو لي مشاكل مش عارفة السبب الغيرة ولا مرض نفسي ولا شو مع اني عمري ما اذيت ولا رح افكر ااذي حدا .. بس حسبي الله ونعم الوكيل '