×

السلام عليكم

انا صارلي متزوج ٩ سنين، اتزوجنا بعض عن حب ويشهد الله اتزوّجنا تقليدي وما قرّبنا من الحرام. واتغرّبنا وشاءت الأقدار نستقر في كندا والحمدلله شغلي ممتاز وربنا سبحانه وتعالى مكرم ومنعم، يشهد الله مرتي ما عمري قصّرت معاها ومشيّخها ولا جابرها تشتغل ولا تعمل شي، مشتريلها بيت في الاردن للاجازات و معيّشها في ڤيلا هون كمان، ما بركّبها غير سيّارات وكالة وافخم موديلات، ما عمري سئلتها عن قرش بتصرفو، ما بسفّرها غير درجة اولى واجازات وشمّات هوا خمس نجوم، واعملتلها جنسية كندية وعنّا بنت ماشاءالله عليها زي الوردة ومتفوّقة في مدرستها.
مصيبتي اكتشفت انها بتخونّي وبتحكي مع زلمة من وراي وبيناتهم زيارات وطلعات والله اعلم اذا نامو مع بعض!!! طبعن انا لسّا ما واجهتها بس يا رب شو اعمل!!! انا ابن عالم وناس وهاي حبيبتي وام بنتي ومستحيل اجرها من شعرها وازتها بالشارع وبنفس الوقت مستحيل اخلّيها على ذمتي لأنها خانت اقدس عقد اوجده ربنا سبحانه وتعالى الا وهو الزواج وما بسامحها ليوم الدّين، انا لسّا ما حكيت لحدا والله مش عارف اتصرّف لانها ممكن اذا بواجها تقعد تنكر وممكن تعملّي مصيبة يا بحالها او في بنتي او فيّا او كلنا واحنا بالغربة لا اهل ولا قرايب يحلّو بيناتنا والله اعلم بحالتنا!! احكي مع اهلها واخلّيهم ييجو هون ونتفاهم ولا اطلّقها طلاق مدني هون وارميها لحال سبيلها واجيب قرار محكمة يمنعها تقرّب منّي ؟ وانا معي ادلة تثبت خيانتها '