علشان كرامتي طلقني
السلام عليكم
انا بنت حبيت واحد منيح وحلو وأخلاقه حلوة وعمره مناسب حبينا بعض ٣ سنين لما إجى يطلبني امه رفضت لانها كانت حاطة عينها ع وحدة بدها تخطبله اياها بس هو رفض وحاول مع امه كثير لحتى تعب وبالاخر وافقت وخطبنا كانت مدة الخطوبة ١٠ أشهر خلال هاي الفترة حماتي طلعت عيني وهي مش طايقتني كتير حاولت اتجنبها واجاملها بس فشلت مع ذلك تحملتها لخاطر خطيبي المهم وصلنا لليوم الكبير بنهايته خلصنا كل بروفات العرس وكنا مبسوطين ع الاخر بعد ما دخلو الزلام ع الصالة اجو اهل العريس يسلمو فسلمت ع حماتي بعدها مدت أيدها بدها اياني ابوسها انا رفضت عشان كرامتي حتى لو كانت منيحة معي كنت بست أيدها بس بإرادتي من غير ما حداً يجبرني فكيف وهي اصلاً مش منيحة فخطيبي حكالي بوسي ايدها برضو رفضت امه حكتله طلقها حكالي انتي طالق قدام كل الناس انا اغمى علي يومين من الصدمة ومش مقهورة غير للحب الي عطيته اياه السنين الي ضيعتها معه ... انا شايفة الي عملتو صح انتو لو مكاني بترضو؟!'