أخر الأخبار
شعور الإهمال صعب
شعور الإهمال صعب

السلام عليكم

انا بنت عمري 27سنه الي حوالي سنتين متزوجه وعندي بيبي ،، انا بعاني من مشكله مع زوجي ومنكده علي،، زوجي 24 ساعه ماسك التلفون فيسبوك وواتس بس للامانه كلها اشياء عاديه بس مشكلتها ماخده كل وقته انا كتير مستاءه من الوضع ما بنقعد سوا حتى لما باجي اقعد معه تركيزه بالتلفون بسحب حالي وبروح لغرفه تانيه بحسسه اني زعلت بس ع الفاضي جريت احكي معه جربت ازعل جربت اطنش و ولا وسيله فادت... صدقا رح انجلط المصيبه مش بس هون المصيبه انه انا لو البس او ما البس اهتم فيه او ما اهتم هي هي ما بتفرق حتى صرت عادي اهمل بحالي مع اني من جوه بتقطع .. انا عارفه انه هو بحبني وانا للاسف بحبه.. بس انا كتير حساسه وبزعل بسرعه بنفس الوقت برضى بسرعه بحاول اخلي جو بالبيت حلو بلكي غير طبعه بس ما في فايده
وصلت لدرجة انه عرفت شو بده عرفت انه بده ياني اكون مره منيحه لا انق وارضى بكل اشي و ما احكيله ليش تمسك التلفون،، بس المشكله صعب
شعور الاهمال صعب مع انه انا متاكده انه هاي طريقته بالحب
شو اعمل؟ '