مش عارفة أكمل ولا لا ؟!
السلام عليكم
انا تقدملي شخص من فترة ولهلأ ماشية الأمور الحمدلله وقرأنا فاتحة هلأ الشخص كان متزوج ومطلق الحق يقال ما شفت منه شي خلال الفترة وتاركلي المجال بكل شي اختار واقرر و شايفني مو مصدق انا الحمدلله من عيلة وحلوة و دارسة وبشتغل وأسلوبي حلو بالتعامل بس بصراحة ما حسّيت بأي شعور تجاهه هو مو حلو كشكل أبدا و ما بتصرف برزانه وما اله هيبة مع انه بحاول يرتب حاله من لبس وهيك مبارح بكيت من قلبي مش عارفة شو اعمل اكمل معه وممكن يتغير الشعور بعد فترة ولا رح أضل هيك معه انا اعطيت فترة قبل كتب الكتاب لناخد على بعض مع العلم هو مستعجل على كل شي مش قادرة اعرف شو الشعور وكل ما يجي عنا و يزورنا بحس حالي قرفانه منه ما بتخيل انه رح يلمسني او يقرب علي اول شخص بتقدملي بحس بهالطريقة شعور غريب انصحوني اكمل ولا أوقف وكيف ممكن أغير طريقة التفكير هاي مع العلم انا عمري بنص التلاتين يعني مو صغيرة وهو بأول الأربعين مطلق وعنده بنت ٤ سنين مع أمها
احكولي شو اعمل