صديقي تقدم لخطبتي !!
السلام عليكم
حابة افضفضلكو شوي انا بنت متعلمة وموظفة وعندي سيارتي واهلي وضعهم منيح تعرفت ع شب قبل ٦ سنين واستمرت علاقتنا ٦ سنين ع اساس اصدقاء اكيد رح تستغربو انو ٦ سنين شو كنتو تحكو كنا نحكي كلشي بحياتنا لبعض ولا اشي كان مخبى وع اساس انا اختو يلي محرمة عليه تحمل كلشي مني نكدي واعاقاتي ونفسنتي وهبلي ومزحي التقيل وكلشي بتتوقعوه من كثر ما هو منيح اقسم بالله كنت اترجاه يزعل بدي اعمل اكشن يعنيبس عبث المهم هو بيوم وليلة صار بدو يتقدملي وانو بحبني وكان يستنى فيي بس انا ما ستوعبت الاشي لانو نبنت علاقتنا ع اساس اخووة عنجد اخوة مش متخيلتو زوج ابداااااااا طبعا بكل الدنييا هاي ما حد حبني بعد امي قدو وانا متاكدة من هالاشي وبصراحة اكثر مش متقبلة انو يكون زوجي قدامي ضعيف لا تتخوتو وتحكو بدك حد يعجب عليكي عشان ترضي بس لا جد ع الاقل بدي حد قوي بشخصيتو معي يا ريت تنصحوني بدون شتائم ومسبات لاني ما عملت اشيف شوي شوي علي