أخر الأخبار
أنا وصديقتي
أنا وصديقتي

السلام عليكم

انا كان عندي صديقة كانت كل اشي بحياتي وكان كلشي بينا مشترك كانت سعادتي مرتبطة بوجودها يعني أزا بفرح افرح بزيادة لانها مبسوطة وازا ازعل يواسيني وجودها هي كانت اول صديقة بتكون مقربة مش بس شغل طلعات وروحات وجيات فتعلقت فيها كتير وحكيت بما انه صادقت لأول مرة بحياتي بدي اتمسك فيها ضلينا مع بعض ٤ سنين بعدين اجت عندي بتحكيلي خلص ما بدي هاي الصحبة ويا ريت تحترمي قراري انا قعدت مع حالي وفكرت ولقيت انه مش مرتاحة بهاي الصحبة وبدي انهي طبعًا كان يصير بينا شوية خلافات عامور تافهة زي اي صاحبتين بس هي زهقت وقررت تروح وبعتت مسج بهاد الاشي وحكتلي يا ريت تحترمي قراري لانه مش قابل للتغير بالمرة طبعًا انا نصدمت وما صدقت انه تركتني فجاة بنص الطريق وكان بينا خطط مشتركة للمستقبل وكل اشي رابطه فيها حاولت معها اكتر من مرة عشان نتصالح وحطيت حالي انا الغلطانة وطلبت فرص بكل مرة كانت ترفض وتحكي معي بفوقية لدرجة انها مش هاي الإنسانة الي كنت متعودة عليها بالاخر حكتلي لما الواحد بدوش ياكي لي مصرة فانا نكسر خاطري وطبعا النا فترة تاركين هي عايشة حياتها وحظرتني عن كل مكان ما فكرت خلال هاي الفترة تبعت لانه حسب حكيها قرارها كان عن اقتناع ١٠٠ بالمية بس انا بعتت اكتر من مرة وحاولت وفش مجال مشكلتي انه خلص عرفت بدهاش ترجع بس مش قادرة انسى ايامنا سوا والأحلام الي كنا نخطط الها وانه كيف هيك فجاة تغيرت وبطلت اهمها وصارت تعاملني بكل فوقية بضل افكر ليل نهار حتى لو كنت طالعة من البيت بفكر فيها وحتى لما اجي انام بصير افكر كتير فببطل اعرف انام صار معي ارق ما ينام الا ٤ ساعات باليوم وبضل تعبانة ومرهقة من كتر التفكير حتى ما بقدر ادرس ولا اعمل اشي وحتى الاشياء الي كانت تسعدني قبل بطلت احس فيها بطعم لسعادة صارت حياتي عبارة عن حزن وفش شغف لاشي اعملو لا ادرس ولا اعمل رياضة ولا اشي حتى صار عندي حساسية انه اضايق ويصير قلبي بوجعني أزا شفت صاحبتين مع بعض متفقات بتذكر كيف كنا احنا وكيف تركتني فجاة يعني بتذكر وبتضايق هل الاشي الي انا في اكتئاب ؟؟ وكيف بقدر اطلع من هاي الحالة واتجاوزها جربت كل الطرق قرات كتب شغلت حالي بمسلسلات وتطوعت بمراكز بس بالي بضل مشغول فيها حتى لو كنت بحضر مسلسل او برا البيت فشو الحل ؟