×

السلام عليكم

أنا ما عندي اعتراف لكن هو فقد من بعده حياتي توقفت أنا كنت بحب شب وقضينا من عمرنا ٧ سنين كبرنا سوا ودرسنا سوا ومرت علينا اصعب الظروف كنت اقويه ويقويني وكانت مخافة ربنا بين عيونا لحد ما خلصنا ورتبنا امور الخطبة وقبل الخطبة بأيام توفى بحادث سير كنت آخر حد بحكي معه بهالدنيا مر على فقده سنتين ولحد الان مش قادرة استوعب انه بطل موجود بالحياة وانه ما ضللي منه غير الصور والقبر بكتبله وبتصل عليه بترد امه وبتبكي معي هيك شب متل الوردة بيوم وليلة تفقده، بواسيها وبتواسيني بس والله قلبي مفطور من يومها بحس ما في طعم للحياة ولا في سبب اعمل اي شي عشانه رغم اني تخرجت وتوظفت وناجحة بشغلي بس ما بحس بالسعادة مش قادرة اتجاوز فكرة انه مش موجود احكيله شو عملت شو صار معي وكم اشتقتله يا الله قد ما اكتب واوصف ما بقدر اعبر عن الفراغ الي صار جواتي حتى لما شفته قبل الدفن ما قدرت أحضنه لان ما في بينا كتاب متخيلين الحسرة بقلبي اني اقرب حد وما قدرت اودعه
ادعولي ربنا يصبرني واحكولي شو ممكن أشياء اعملها لارجع أحس انه في شي حلو بالحياة وامانة ما بدي تكتبولي الله يعوضك بغيره لأنه فقد أحمد خسارة ما في بعدها عوض وادعوله بالرحمه ويجمعنا بالجنة لان هاد الشي الي قادر يهون علي شوي وربي لا يفرق بينكم وبين أحبابكم بالموت لأنه الفقد صعب خصوصا للغوالي "