×

السلام عليكم

انا علاقة مع شاب من فترة 3 سنوات الحب يلي بينا كبير كتير وما بقدر اوصفو المشكلة انو هو شب لاجئ ما عندو هوية وما عنده شغل كل يلي بقدملي یاه هو الحب والاهتمام انا كل فترة وفترة بحس حالي مخنوقة من هي العلاقة يلي هي فقط على الهاتف ف بحكيليه انو انا خلص بدي ابعد وما بدي اكمل العلاقة والسبب هو انو ما بدي اخون اهلي وما بدي اعصي ربي بس كل ما احكيله بدي اترك برجع تاني يوم محتاجته اكتر وبتعاق فيه اكتر . هي العلاقة خلتني اترك الصلاة واعمل معاصي وخصوصا الصلاة هانت علي وبطلت افكر اصلي وحالتي عم تزداد من سيئ لأسوأ من ناحية دراستي علما انو انا بالجامعة سنة رابعة ونفسيتي عم تتدمر من الشعور بالذنب تجاه اهلي وبابا يلي هو ما بستاهل اعمل هيك فيه مبارح قررت انو احكيله انو انا ما بدي هي العلاقة عشان هي العلاقة حرام ف بقي صامت لمدة ساعة كاملة وصار يبكي متل الطفل لدرجة اهلو حسو عليه هو شب کبیر عمره ۲۹ انا كنت حنونة معو لدرجة كبيرة واكتر من حنية امو عليه زي ما قال هو وانا بزعل عليه لما هيك يصير فيه وبصير افكر كيف حتكون حياتو اذا انا تركتو لاحدا يحكيلي بيضحك عليكي وبس تروحي بيحكي مع غيرك لانو هو مو هيك ابدا وهو عنجد بحبني مشان الله ساعدوني وانصحوني تعبت من هي العلاقة وخايفة اتركو انا ما بقدر انام الا وهو معي عالمكالمة بنيمني وبحس حالي طفلة بسن ایدیه مشان الله لا حد يتمسخر والله بدي مساعدة ومافي ولا حدا احكيله لا صديق ولا حدا