×

السلام عليكم ورحمة الله وبركاته

أول شي بتشكر كل حدا بلاقي  حل لموضوعي .. انا كتير بحاجة للدعم و للقوة لانو هالشي أثر فيي كتير ما عت اقدر واجه زوجي متل قبل ..

أنا فتاه لساتني عروس متل ما بيقولو مضى شهر بس على زواجنا .. أنا في الحقيقة اتزوجتو لانو متدين و على خلق هيك شفت بالاول و لهلاء يعني متدين بس فيه شي واحد بس اللي مو حلو هوي العصبية كتير كتير بكره فيه هالشي لانو وقت بيعصب بيجن و ما بيدري شو بيقول من تمو لحتى يصير عادي و يعتذر ..

المهم رفقاتي اول ما خطبني حكالي عن كتير بنات كان يعرف و اخر وحدة كان خطبها و كان رح يتزوجها بس طلعت بتحكي شباب ف بطل يتزوجها و بعدين اتعرف عليي و اتزوجني و كانت البنت ديما تزعجه على حد قوله .. كانت تحكي معو عالموبايل و بضل تبكي لانو تزوج..

وقت سوينا العرس و صرت ببيتي صارت دقلو قدامي و هوي قدامي بيقلي ليكها احكي معها .. مرة انا حكيتها سبتني و هوي بيضحك بيقلي لا تحطي راسك براسها هيي لساتها صغيرة.. قلتلو انا ماش من مستواها لحتى احكي معها و هاد كلو انت اللي سويته لانك عطيتني احكيها ما كان لازم تعطيني و شافني معصبة صار يضحك و يتمسخر لانو بنت اصغر مني ساوت فيني هيك قلي انو انا ما عندي شخصية ماني واثقة من حالي ووووو..

المهم في يوم تخانقنا خناقة كبيرة قام هوي قطع الشريحة يعني رقمو و رماه و انا فرحت لانو قطعها و هيك ..قمت انا جبتلو رقم جديد و قلت الحمد لله اجت من عندو انو رماه للرقم . بس الحمد لله ما كملت فرحتي بتفاجئ مبارح كنت انا و ياه عالسرير و اجاه اتصال مجهول طلعت بنت بتقلو لا عاد تتصل فيني عالساعة 2 صبح شو ما عندك شي تسويه سبته و سكرت بوشه .. انا الحمارة ما قلت شي كتمتها بقلبي .. قلي هوي شلون هي تحكي ما الرقم جديدعلى اساس هو ما بيعرف .. قمت انا سويت حالي ماني مهتمة و انو بوثق فيه و هيك و هيك .. سويت العشا و غسلت الاواعي .. قام حضرته بيتعشى و عيونه عالموبايل حاطه عالصامت و هيي بتتصل الراجل ما صدق خلص الاكل و قام .. انا قمت طلعت الغسل انشره نزلت غسلت حالي و رحت غرفة النوم سويت حالي نايمة و هوي كان بالصالة على اساس بيلعب .. شوي اجا طل عليي شافني نايمة رجع الصالة و بلش يحكي بصوت خافت .. رجع اوضا و صلى و فجاة كمان بشوف رقم مو طالع بيتصل قام طلع عالسطح و حكى على راحته و نزل عندي فرحان مبسوط علااخر قال شو مبسوط لانو طبخت طبخ منيح .. طبعا سويت حالي مصدقته و ما قلته شي عالاتصالات . و على فكرة انا كل ما قلو عطيني موبايل بدي العب بيقلي بعرف شو براسك لا تجدبيها يعني وقت امسكو بيضل عينو معي كرمال ما فوت مكان التصال و هيك .. ومرة لقيته بيمسح الارقام من عالموبايل كرمال ما شوف .. 
.... 
الصبح اصبح كدبت عليه قلتلو حلمت فيك انك بتحكي مع صبايا و انا دايقت منك و صليت و دعيت عليك بالحلم و دعيت ربي ياخد حقي منك لانو انا معك بنيتي و هيك .. قلي انتي بتعرفيني منيح ما بسويها ابدا و انتي ما في منك و حكي فاضي ما فات لمخي..
انا جدا متعبة و جدا مخنوقة ما قدرت قلو شو اللي يفكر فيه و انو انا بعرف شو بيسوي ولا قدرت ضل ساكتة الله يخليكم قلولي الحل ...........
مشكورين