×

مرحبا

انا مشكلتي اني تعبانه نفسيا وفكريا وجسديا وشو ما بدكم ..
انا خاطبة وبعد اقل من شهر عرسي ، خطبت فترة منيحة يعني قدرت خلالها اعرف خطيبي وافهمه واحبه واقدر اتوافق معه ، بس المشكلة من جديد صار في شوية مشاكل بيننا ع شغلات بتوقع بتصير بين اي تنين ، بس بعدها حاسسته تغير ، مش عمالي بحس بحبه الي ، ولا انه بده اياني ، ولا حابب يكمل معي ، ما بعرف شو بصير حاولت اقربله واوصله اني مش مرتاحه وافهمه ازا مش حابب نكمل اترك وروح بطريقك بدل ما تظلمني معك ، بس هو انجن وعصب وقلي ما في داعي لهاد الحكي وتقاتلنا وقتها ، هلء هو غريب عني ، امه كنت احس بحبها قبل هيك ، بس هلء لا ، بحس هدفها بس تغيظني وتعصبني وتطير مخي من محله ، وما بكون مقربة عليها ، بس هيك بتحب تستفزني ، بقول معلش مش مهم بتضل حماتي ومن مقام امي ، خليت امي تقرب منها لتشوف مالها ، بس عملت قدامها انها عادي وما في شي والامور تمام ! ، وهو صار قدام اهله يعمل اكنه مش شايفني ولا متعرف علي ، ويعمل انه زلمة وانا ما بسترجي اكسر كلمته ومن هالشغلات ، المهم انا بعيش الدور معاه قدامهم بقول يمكن امه بتغار وهيك احسن ، بس والله غريب صار الوضع ، لا اهتمام من ناحيته ولا حاسه اني خاطبة ، بس حاسه انه كله جكر بجكر ، ومن جديد كمان بضل يقلي لما بدي اعمل اشي ما بسألك انا حر ، وما تضلي تسأليني اسئله انا ما حد بتحكم فيي ...
مصدومة انا بصراحة منه ومخنوقة ومش عارفه شو اعمل ! طبيعي وضعه ولا شو بصير معاه ! ولا انا حساسه ومكبرة الامور ؟ والله ما بعرف اشي