×

السلام عليكم

بدي اعترفلكم انو احنا بنتين وعنا اربع اخوة اكبر وحدة فينا هي اختي وطبعا هي اختي مو من امي وابوي من بابا .......
وبابا تارك امها واتجوز امي وجابنا هسا انا بحب امي بس بتزكر من واحنا صغار انها كانت تعصب عليها وتبهدلها واحنا لا يعني ما كانت تحبها كان يبين عليها هيك كانت تشتريلنا كلشي والها ولا اشي ...... وفي يوم من الايام امي وابي اطاوشوا وطوشة كبيرة كتيييييييير وتركت امي البيت وراحت على الامارات عند اختها لانو دار سيدي ميتين واختي هي الي دارت بالها علينا كانت أيام امتحانات توجيهي واصغر واحد فيها كان عمرة سنة ونص وامي تركتو وايدو مكسورة وايامها بابا مرض ومع هيك اختي كانت المسكينة تدرس وهي قايمة فينا كنت دايما اعيط وتقعد تراضي في وكنت احب اساعدها كتير وهي كتير ذكية ونجحت وجابت معدل بالتسعين رغم كل الظروف ..... وعملنالها حفلة كبيرة كتير وانبسطنا ومر على هاد الحكي 3 سنين واختي كل يوم بيجوها خطاب على قد ما هي حلوة وبتجنن وذكية ومنيحة والكل بحبها وبعرفها وكل لصغار عنا بالمدرسة بضلو يسألوني عنها بس هي مو قبلانة عشان اخوتي لساتهم صغار واكتر حد كان يضل يطلبها ابن عمتي بس كانت دايما ترفضو لانو عمتي تقيلة دم يعني مش بحكي عليها بس جد وبابا ما كان حابب يضغط عليها بالمرة لانو هي اتحملت كتير عشانا وبيوم اجاها شب هو كتير منيح كاين شايفها وهي مروحة من الجامعة وساءل عنها شباب ومنداري ايش وكاينين يحكولوا انهم مش شايفين عليها اشي وانها منيحة واجى وسأل جيرانا وهم كلهم بحبوها فحكولوا انو هاي البنت بتجنن وانو بجيها كتير عرسان وبترفض وحطها براسو وكل يوم يودي أهلو وهي ما بدها وكان مستعد يعمل كلشي عشانها وضل 3 اشهر وهو بيحاول وبالاخر هي اقتنعت وابي حكالها انو ان شاء الله ربنا بعوضك في عن كل اشي ......... وقبلت وخطبو وما احلاهم واخوي لكبير كان مو مستوعب الموضوع لسا وهو كان اكتر حد يحبها فينا ولما اتجوزو كان كل يوم يتصل على جوزها ويحكيلو اوعى اتزعلها وجوزها يفرط ضحك علي ....... وبعدين هم سافروا اخدها وراح وهسا ما بنشوفها قال بدو يدرسها برا لانو هي حابة هيك من زمان بس هي تركتنا متل امي وراحت واشتقتلها