×

مرحبا

انا خطبت خطبة طويله مده سنتين كانت العلاقه مش مثاليه كانت تشوبها الشوائب مشاكل الخاطبين المتعارف عليها ليش بتسأليش ليش شفتي المسج وبين عندي عالواتس خطين زرق وما رديتي ليش بتحكيش قصص ليش ساكته ومن الذي منو بس الشهاده لله كانت جدا لطيفة وناعمه كثير ملاك الله وكيلكم 
هسا اتزوجنا من سنة تقريبا اول شهرين عصافير في الجنة ما احلانا بس بعدها بدت تتغير وكلماتها كثير رجوليه تقول قاعد مع عوض ابو شفه اللي صار كنا قاعدين ع التلفزيون بقلها اغلبك اعمليلي فنجان قهوة الا هي بترد علي بتقلي حل عن امي يا زلمة هو فش وراي غيرك تقول ضربتني 600 كف ع خد واحد صدمتني قبل فترة بتناقش معها بتقلي روح لاشمطك كف اوقعلك ذنيك حسيت حالي ابو بدر اللي باب الحارة ول في نسوان هيك قلتلها بالله عليكي ارحميني من جو الدواوين اللي نفس استشعر انوثتك حاس حالي قاعد مع خليل الاعور مش هيك البنات ليش ما ورتيني وجهك الحقيقي قبل العرس كان فركت عالبدري فزعلها الحكي وحردت وبدها رد اعتبار بالله عليكم مين معو حق يحرد