×

مرحبا

قررت اني اعطي القرار الحاسم واخيرا، قررت اني اتركو لحبيبي عديم الذوق والأصل، بعد كل التضحيات اللي قدمتها عشانو، وبعد كل المعاناه اللي سببلي اياها، اقتنعت انه حتى لو كان أجمل رجل، وحتى لو معه مال قارون ما بقدر اتخذه كزوج في المستقبل، لأنه قبل كم يوم خربت معي السياره وطفت بنص الشارع، انا كنت موجوده بنفس البلد اللي هو موجود فيها، بعثتلو رساله واتساب بنفس اللحظه اللي خربت السياره، وحكيتلو فيها وضعي، هو قرأ الرساله ولكن حتى اتصال ليتطمن علي مكلفش حالو، كل اليوم متصلش على ليسالني عن اللي صار معي، ومن طيبة قلبي وحنيتي عليه، اتصلت عليه بالمساء لاني خفت انه يمكن هو صار معه شي لا سمح الله، لكن سكر بوجهي. وثاني يوم بتصل علي وكان شيئا لم يكن.

حكيتلو انو هاي العلاقه ما بلائمني. وكل يوم بتصل علي مره واحده لا غير، وطبعا انا بردش. لا أنكر اني بشتاقلو كل يوم. بس صار عندي قناعه انه هالانسان غير ملائم ومش قادره أصدق انه في يوم راح يزبط. ولا زال قلبي الطيب حزين ولا ادري ما العمل.