×

مرحبا

انا صبية عمري ٣٠ سنة تزوجت من ٨ سنوات وعندي ولد وبنت. انا متعلمة وحاصلة على ماجستير واكثر من بكالوريوس وناجحة بشغلي وجميلة جداً وصاحبة شخصية مميزة. الشخص اللي تزوجته كان متزوج وطلق لما تعرفنا وعمل حرب عشاني وتزوجنا وهو اكبر مني ب ١٧ سنة. الكارثة انه انا لما تزوجنا فقط عجبتني الطريقة والحرب اللي عملها عشاني وعدد من الصفات الخارجية كقوة شخصيته وهيبته بين الناس. يمكن معارضة الكل هي اللي خلتني اتنّح وأصر على الارتباط فيه. على الصعيد الشخصي هو جداً منيح معي وساعدني اني ابني شخصيتي وواقف جمبي بكل اشي ومريح جداً بكل اشي ومتحرر. لكن انا من يوم ما تزوجت وانا عايشة بصراع وغير فخورة بزواجي وبحاول اخفيه وانه ما حدا يعرف تفاصيل عن زواجي. انا مش فخورة بزواجي. وتطلقت وانفصلت عنه مرتين وامتدت فترة الفراق الأخير سنة وبعدها قررت أرجع لأني ما قدرت اربي ابني وحدي. لكن مازلت عايشة بصراع ومش سعيدة وبمر بفترات يأس ونفسي اهرب من كل هالواقع اللي انا حطيت نفسي فيه وبإرادتي لكن لما بشوف اولادي بتراجع. ومش قادرة اخلص من هالصراع. شو الحل ساعدوني .