×

مرحبا

انا صبيه بعمر 22 سنه مجوزه بعمر 16 معي اولاد.2 بلشت قصتي لما ابن  عمي خطبني لحتى ما روح لغريب وطبعا ابي وافق بلا ما يسالني فجأة  بيحكولي خطبناكي وبتهديدات وبضغط زوجوني غصب ومتل ما بيحكوها رضينا بالهم والهم ما رضي فينا بس طبعا انا رضيت بالواقع بس ابن عمي ما طلع قد المسؤليه هوه شخص مو متعلم وانا كملت دراستي بس هاد مو شي مهم كتير بس انو لو متعلم يمكن بيفهمني شوي بس هوه لا متعلم ولا بيفهم واناني جدا ما بيحب الا نفسو حاولت اتعايش مع هالوضع ما قدرت طبعا غير انو شخص بيمد ايدوا وعنيف وما بيسال باولادوا كل شيئ ممنوع مناسبات ممنوع وغير هيك ما بيزور اهلي ولا على مناسبات ولا على اعياد ولا باي شكل من الاشكال وانو يتركني كون جنب اهلي بمصايبهم او افراحهم هاد ما عندوا بيحكيلي ما بيعنينا فيهم هسه هاي عيشه بتقصر العمر  انا مو قادرة  اتفاهم معاه وبفكر بالطلاق شو رأيكم انصحوني شو أعمل .