×

السلام عليكم

انا بنت عمري 20 وشوي بدرس بالجامعة تخصص محترم ومتفوقة وبخاف الله ومجلببة وولا الي اصدقاء شباب وولا زملاء ولا بختلط بالشباب بس في مشكلة 

اني كتير نفسي يكون شب بحياتي ،مش الهدف خطيب او زوج ،نفسي احس الي سند من عمري يسمعني وبفهمني ويدافع عني بهالحياة ، وفكرة الصداقة مرفوضة دينيا واخلاقيا 
ما عندي اخوان كبار وابوي كل همه شغله ويطعمينا ويشربنا بفكر لهون دوره 
نفسي عنجد اتعرف ع حدا بس ما بدي الحرام ، واهلي مستحيل يخطبوني بهالعمر خصوصي انه الي اخت اكبر مني ودراستي صعبة ولسا قدامي سنين دراسة
شو أعمل ؟ شو الحل ؟ 
وكمان انا حلوة ومحترمة بس ما عمره حدا اتقدملي بشكل رسمي ، في نسوان بلمحو لامي وامي بترفض بشكل قاطع وبتنهي الموضوع من عندها ، اكيد ما رح اخطب بهالطريقه نفسي يكون شب بعرفني ع الاقل بس المشكلة اني مش اجتماعية وحكيي قليل ما بحب اغتاب ولا احكي ع حدا وبفضل الصمت يعني ايام ما بحكي كم كلمة وولا بحب ابادر واتعرف ع حدا هيك قلبي مطفي لهيك معارفي حتى البنات مش كتار
اقترحو علي شو الحل ؟ الموضوع شاغل بالي ومأثر علي كتير كتير وكل ما اشوف تنين بحبو بعض وبخافو ع بعض بدعي الله يكرمني بالحلال ، كتير حابة اعيش الاهتمام ويكونلي سند ورفيق بهالدنيا