×

انا فتاة عمري 19  سنة وعايشة بمنطقة الناس بعدهم عقولهن مثل زمان بجوزوا الفتاة على صغر، المهم انا اجاني شاب طلب ايدي، شاب كثير محترم واهله محترمين وطيبين كثير

انا بالأول كنت مترددة كثير ﻻني حاطة، براسي اني اكمل تعليم اعطيت قرار انه ما بدي ، ورجعوا طلبو ايدي كمان مرة ﻻنه الشاب كان عن جد بدو اياني فصار الكل يقنع فيني ويحكولي راح تكملي تعليمك ﻻنه هو متعلم وكل اهله هيك وراح تنبسطي وتحبي المهم اقتنعت وخطبت، باول الشيء ما شدني له ولا عرف يخليني احبه حكيت يمكن ﻻنه اولها ويمكن مستحي. بس لما مرق علينا 3 اشهر وهو نفس الشيء ما بهتم ما بتصل حتى ولما بنكون مع بعض بضل ساكت او بلعب بالتلفون انا صرت اتضايق كثير وبطلت اقدر اشوفه حسيت حالي بدي اكرهه فحكيت معه بهذا الموضوع حكالي انا على شان مضغوط وشيء بس انا راح احاول ما احسسك بهيك شيء وافقت بس مرق اسبوعين وﻻ شيء تغيير بالعكس صار اكثر ما يهتم ما يحكي انا حكيت ﻻهلي هيك هيك وراح ابوي ينهي الموضوع بس هو ما رضي واقنع ابوي يعطي فرصة وابوي كثير بحبه وبحترمه ورجع انه على شان يقنعني على مدة 3 ايام وهو يحاول وانا احكيله بديش بس مش راضي يفهم ابوي بحكيلي انت ﻻزم تعطي فرصة ﻻنه سببك مش مقنع كفاية وانا بدأت اشك فيكي حكيت له شو بدك سبب مقنع اكثر اني ما بحبه حكالي اعطي فرصة بتصيري تحبي فرديت على ابوي ورجع يجي عنا بس وﻻ شيء تغيير صار يجي يحضر تلفزيون ويروح وﻻ كأنه اجى عندي خطيبي وصرت ما اقدر اشوفه اكرهه اتشأم لما اشوف اسمه وبدي انهي العلاقة بس ابوي شايف انه انسان كثير منيح وراح يسعدني مش راضي يفهمني انه فش بيني وبينا شيء لليوم بدي انهي هذه العلاقة ومش عارفة كيف ساعدوني لو سمحتوا.