×

السلام عليكم

'انا رح اكتب هالاعتراف وبتمنى من اي حدا عندو حل يكتب لانو الشغله متعبه كتير ومافيها مزح 
قبل كم يوم كنت نايمة طبيعي طبعاً الانسان لمن بنام عقلو بفصل انا قبل ما احكي قصتي بدي تفهموني منيح انا مر علي اسبوعين كاملات لما انام عقلي يضل صاحي يعني بفكر وانا نايمه كيف مابعرف 
قبل يومين الي صار معي خلاني اخاف اني انام تعبت صار معي اسقاط نجمي يعني عائلتي نايمه بجانبي حسيت بشلل كامل وخدران بجسدي ماقدرت اتحرك فجأه شفت حالي برا جسدي يعني بالغرفه نفسها مع عائلتي بس شايفه جسدي واهلي وكلشي كان طبيعي انا والله بعمري ما جربت اقرء عن هالموضوع ولا كنت اعرف هالشغلات اول مافكرت اني اروح مكان معين بلمح البصر كنت فيه واول ما فكرت اني ارجع على البيت رجعت بلمح البصر خفت كتير لاني ما كنت اعرف شو بيصير معي وفعلا لازلت ضايعه حاولت ارجع على جسدي وبعد محاولات رجعت بصعوبه شديده الي بدي اياه للناس بس الي بتعرف بهيك موضوع يعطوني حل اخلص من هالشي الي انا ما الي ذنب فيه والله الموضوع متعب بتحس شعور الانسان الميت بتصحى جسمك مكسر انا بعمري ماتوقعت انو يصير هيك شي معي خارج عن ارادتي انا ما بنام يا جماعه مشان الله بدي حل وين اروح ؟ شو اعمل؟ في حل؟ ادعولي '