أخر الأخبار
هذه قصة زواجي الأليمة
هذه قصة زواجي الأليمة

السلام عليكم

'يا اخوان أنا قصتي لو حد يعرفها يمكن ينعمل منها كتاب أو فلم لدرجة المعاناة اللي عشتها ....ولدرجة غرابتها انا رجل كنت متزوج وصارت مشاكل كثير بزواجي واجت اول طفلة عندي وأعطينا بعض فرصة كونه زواج أقارب واجى تاني ولد واطلقنا ....
حسيت الدنيا سكرت بوجهي وحبيت اعيش عازب طول عمري واعيش مع اولادي حتى ربنا خلاني التقي ببنت حلال امها متوفاة والبنت شبه مهمشة كونها عايشة عند زوجة ابوها ووقعنا بالحب الحلال حتى أقصى درجة ممكن تتخيلوها واحلمنا واتخيلنا انه رح نتزوج حتى لو أهلها رفضو بالبداية .
حب لدرجة لو تطلبني روحي أو عيوني بعطيهياهم وهي حبتني كثير وكنت صريح معها عن اني كنت متزوج وعندي طفلين وحبت اولادي لأنها حبتني ضلينا مع بعض سنتين وبتالت سنة تقدمتلها واهلها رفضوني وسألو عني وعرفو اني شاب منيح بس سبب رفضهم اني كنت متزوج وعندي اطفال ..
المصيبة البنت اهلها عرفو اني عتواصل معها وخذولكمم اتهامات وضرب وعذبوها وضربوها وزوجوها غصب لإبن عمتها وهي مستحيل تتقبلو وخطبتو وكتب كتابهم وهو بيحبها بشكل كبير حب من طرف واحد 
المشكلة انا خطبت لأكمل حياتي زواج تقليدي وكونه البنت خطبت وهي ما زالت تحبني وانا بحبها ومو متصورين أنه انا أو هي ما رح نكون لبعض سألت قضاه شرعيين وحكولي بالبداية مستحيل تاخدها أو تتزوجها إلا بموافقة ولي الأمر والدها ووالدتها مستحيل يوافق ...ارجعت فسخت الخطبة لانه ما بدي اظلمها والبنت يالي حبيتها زواجها بعد شهرين 
شو ممكن اعمل .....
مستحيل نقدر نعيش دون بعض دعيت ربي بكل صلاة يجمعني فيها حتى على جدار الكعبة دعيت وعجبل عرفة ......
في أشخاص حكولي الحاكم الإداري للمنطقة بيحل مشكلتكم اذا هي راحت ...
شو رأيكم'