أخر الأخبار
شو أعمل بعد ما جوزي طلقني ؟
شو أعمل بعد ما جوزي طلقني ؟

السلام عليكم

حصل خلاف بيني وبين جوزي ورحت عند اهلي و هو جه وشدينا انا وهو وماما اتدخلت ف نص الكلام زعق فيها وقالها اسكتي انتي متدخليش ماكله بسببك انتي مرة وسخة أصلا.. كانت دخلة أخويا من الباب وهو بيقول كده نزل فيه ضرب زي المجنون وبقا يشتمه بعيلته كلها ونتيجة ده كله ف الآخر أنه طلقني. 
انا مش زعلانه من الطلاق أصلا لو مكنش هو طلقني انا كنت هخلعه بعد ماشتم امي كده. المشكلة ف نفسية امي اللي دايما حاسة انها السبب. مع العلم والله امي ما في اطيب منها وعمرها ماحاولت تخرب بيتي بالعكس يبقي هو اللي غلطان وتيجي عليا انا وكنت دايما بزعل منها عشان كده.. هي دلوقتي شايفة ان بيتي اتخرب بسببها وعمالة تقولي جربي ارجعيله وعمالة تجبر أخويا انه يعتذر وانا مش عاوزة ولا أخويا عاوز ولا عاوزاه ف حياتي أصلا وهي ملهاش دعوة باللي حصل بس للأسف هي مريضة قلب وسكر وضغط ودايما بتاخد كل حاجة ع أعصابها وبتتعب جامد ومصرة ارجعله وانا مش شايفاه راجل عشان ارجعله أصلا ولا هو هيقدر يبص ف وشي بعد ماتضرب من اخويا قدامي