×

السلام عليكم

بإختصار شديد انا شب بحب بنت خالتي كثييير وهي بتحبني أكثر وصارلنا مدة طويلة ما يقارب ست سنين بنحكي وبنتواصل كل دقيقة وكل ساعة وما بنقدر نعيش بدون بعض ولا ثانية..
الي صار انه ابوي رافض اني اتزوجها نهائيا مش لشخصها ولا لتعليمها ولا لأهلها لسبب مقنع نوعا ما انه انا معي هوية فلسطينية وهي اردنية وما بتقدر تدخل فلسطين ولا تعيش معي هناك .
انا حاليا مغترب في دولة من دول الخليج انا مهندس وبنت خالتي دكتورة وممكن نشتغل ونعيش في الدولة الي انا فيها بس اذا روحت عند اهلي في اي لحظة هي ما بتقدر تيجي تعيش معي عندهم
انا مستحيل اتخلى عنها لو ما بتزوج طول عمري وهي مستحيل في يوم تفكر تتخلى عني وبنفس الوقت انا زلمة بحب ابوي يضل راضي عني وما يغضب علي ويمشي معي نطلبها وهو راضي
دورنا كثير ع حلول لمشكلتنا ومش لاقيين كتبت هون بلكي حد عاش تجربتنا او عنده حل اقنع ابوي او يصير معها هوية تقدر تعيش معي اي مكان