أخر الأخبار
أعامل الأشخاص بالحسنة يقابلوني بالاساءة
أعامل الأشخاص بالحسنة يقابلوني بالاساءة

السلام عليكم

بدي اعترف اني انا ماعاد حب اي حدا بحياتي انا سيدة عمري 39 سنة متزوجة من عشرين سنة وعندي خمسة اطفال وتغربت من ثلاث سنين عن امي وخواتي بعتقد انو العمر كفيل اني اكتشف اللي حوالي مصالح فقط لاغير ربيت ببيت اهلي مدللة ابي اللي ماطلع شي بأيدو انو يسعدني طول عمري ماشفت السعادة والهنا غير معو امي كانت تعاملني كخادمة تحت اجرها وهاد الشي أثرعاحياتي كتير وفصلتني من المدرسة من لما كنت بالثامن مع انو كنت من المتفوقين بصفي وكان حلمي اني كون محامية وهاد الشي كان يغيظا جدا وتضغط علي بحيث لااقدر اني كمل دراستي وتجبرني عالتنظيف والتعزيل الشبه دائم احرجتني امام صديقتي اللي ارسلتا المديرة تسال علي ليش ما عم احضر المدرسة ووجهتلا كلام بزيئ جدا بحيث ماقدرت ارجع عاصفي ومدرستي وخجلي من رفقاتي ومديرتي اللي كانت بتشوفني مثال للفتاة المجدة والمحترمة ..قضيت فترة مراهقتي بالمنزل بنظف وبطبخ ونسيت امر الدراسة وغضيت عن الموضوع مع انو كان حلمي كمل تعليمي وبفترة بيجي نهار وبيطلبوني دخلت شفتو ماقدرت اكمل القعدة ماتقبلتو ولا بشكل من الاشكال وحكيت هالشي لامي بما انو مابقدر احكي هالشي لابي من باب الخجل وكانت تبهدلني اذا بفتح تمي او اي اشارة بتطلع مني وانجبرت اقسم بالله انجبرت وتزوجت ومن اول كم شهر بلشت المشاكل وضرب الايد بقوة لدرجة انو جسمي يضل ازرق جمعة ويرجع يمد ايدو ويضرب بسبب ومن دون سبب بهالفترة ابي مرض كتييير كل مااروح لعند اهلي والاقي بابا مريض وامي تضغط علي اني ارجع وارجع واكسر وكان زوجي كل مالو يتمادى اكتر طبعاحاولت كتيير ماانجب لكن ماقدرت كان يمنع عني جميع انواع منع الحمل وخلفت اربع بنات وولد كسرولي ضهري اكتر كنت اقول الا مايجي يوم واهرب من اللي شفت من ضرب وقهر واغتصاب وخيانة زوجية علنا وكنت كل مااحاول احمل اني انزل الجنين تفشل المحاولة لاني ماكنت رضيانة بالعيشة ودارت الايام وتغربنا عن بلدنا وجيت لهون عاتركيا وتعذبنا اول فترة بس الحمد لله الله دائما بيسترا معنا وكل مااحاول احكي مع امي بتذكرني اني بنتا والمفروض ابعتلها فلوس مع انو لما توفى والدي الله يرحمو ماعطتني شي من والورتة بغض النظر عن اخوتي اللي قسمو على كيفهوم واخدكل واحد نصيبو وامي اخدت الحصة الاكبر وباعت بيت العيلة واشترت بيت الها كبير ومحلات وصالات ودهب وماناقصها شي وانا ماسألت عن قرش لانو ابي رباني وعيني شبعانة مع انو حقي بس ماسألت لانو بضل امي وكل عيد ام بهديها فلوس لانو بعرفها بتحب الفلوس مابتريد غير شي وكان انا هديتي اكتر من كل اخواني واشتريلها بباقي السنة شو لازمها براد فلتر مي حرامات سعودية وادوات كهربائية كل شي بيلزمها اجبلها من كل قلبي بعطيها ومابسال عالاسعار ولما تغربت ماعادت تسال غير عالفلوس وبس مابتسال كيفني ولا شو اخباري لك حتى زوجي ماحدا بيسال غير عالاكل شو طبخت ممنوع عني الطلعة برات البيت لحالي لانو انا الوحيدة مابعرف تركي وكل مااحاول اتعلم بيتمسخرني زوجي وبيبهدلني وبقلي بعد الكبرة جبة حمرة بنقهر عاحالي لومتعلمة ماكان صار فيني هيك قضيت حياتي ارضي امي وبحسها مابترتضى وزوجي قضيت معو ابشع انواع التعذيب ومع ذلك كنت الزوجة الصبورة وعند الله مابضيع شي بس بعد ماوصلت لهالعمر ماعاد فيني اتحمل كنت اقول اهتم ببيتي وولادي لما بلشو يكبرو علمون ابوهن مايحترموني وانا كل يوم بقول خلص بدي اترك وامشي وماعاد يهمني ان طلقني ولا لاء المهم اني اطلع من القفص اللي مسكني فيه اعيش لحالي بقية عمري واهرب على مكة واشتغل خادمة لبيت الله اإلى ان يأخذ امانتو وبس ...انا انظلمت كتييير مع اني كنت اعامل كل شخص بحياتي بكل حب واخلاص وبس حدا يقلي شو الغلط بحياتي تعبت ونفسي ارتاح والله من وقت ماانخلقت على هالدنى كان قلب لاالله ومسلمة امري لاالله ومابقطع صلاة ولا عبادة ...
بعتذر اني طولت عليكم لكن في تفاصيل كتيييرة حاولت اختصر ..
هدول اربعين سنة "