×

السلام عليكم

انا شب عمري ٢٥ سنة ، انا ملتزم بالصلاة الحمدلله و جيد من الناحية الدينية ، بعرف رح اتعرض للجلد بسبب هالكم كلمة ، انا عايش بدولة اجنبية، من فترة شهر ما رح اتهم الشيطان رح الوم نفسي .. نفسي غلبها الهوى و غلطت و ونمت مع بائعة هوى .. كان اتعس يوم بحياتي .. كل ما اتذكر هداك اليوم بحس حالي كنت مخدر .. ما بعرف كيف وصلتلها ما بعرف كيف كنت سايق السيارة .. كل ما اتذكر الموضوع بحس انو كان في غشاوة على عيوني .. بعد بيوم فقت الصبح خجلان اتطلع بالمراية .. بكيت من جوات قلبي .. كيف هالشب الي الناس بتذكرو بأخلاقو عمل هيك .. حسيت حالي خنت اهلي و خنت رب العالمين يلي انعم علي بالصحة و العافية ورزقني .. جسمي ماعاد متل الاول صرت احس حالي بجسم تاني .. من وقتها وانا منهار نفسياً و الندم عم ياكلني من جوا اكل ..من وقتها وانا عايش بخوف .. من وقتها وانا ما قطعت فرض و انا ادعي لرب العالمين يغفرلي .. صح ما حدا بيعرف بهالشي غيري .. بس عم بحس حالي صغرت قدام الناس .. غير وسواس الايدز الي نخر براسي نخر ..معقول مشان كم دقيقة متعة وياريت استمتعت من الاساس تخسر حياتك كلها . .. نصيحة لأخواتي الشباب .. بعدو عن هالقصص .. لا تخسر حياتك و نظرتك لنفسك مشان ربع ساعة .. بعرف انو بواب الحلال صارت شبه موصدة بوجوهكم .. حتى انا الي عايش برا مو متيسرلي هالشي بس هاد مو مبرر للي عملتو ..اتذكروا قول رب العالمين ..ولا تقربوا الزنا انه كان فاحشة و ساء سبيلا.. انا اليوم عايش سوء السبيل بسبب غلطة .. بتمنى تدعولي بالمغفرة .. و اسف اذا طولت عليكم"