أنا عاقر وزوجي يدفع الثمن
السلام عليكم
"انا بنت عمري٢٤ سنه كنت بالجامعه و تعرفت على شب من أول فصل و كملنا لحد ما اتخرجنا و اجا طلبني و زبطنا الحياه مع بعض و أهله بجننو و كتير مناح وكل حياتنا تمام بس هو كان بدو ولاد من اول ما تزوجنا مرق ٥ شهور و ما صار حمل رحنا على الدكتور نفحص حكالنا إنه أنا عندي عقم كامل و مستحيل أجيب ىلاد ضلينا شهر ما حكينا بالموضوع بس قلبت حياتنا نكد ليوم إجا و حكالي أهلي بسألو عن موضوع الولاد وأنا مش عارف شو أحكي أنا صرت أعيط و أحكيله إحكيلهم وتنقاشنا و خلص الموضوع بعد يومين نادتني حماتي و حكتلي أنتي بنت أصول و الله يرضى عليكي ما رح ننسى موقفك هاد انا وقتها ما فهمت رنيت على زوجي سألته حكا بس اروح بنحكي بس روح حكالي انه حكا لاهله انه احنا ما بنجيب ولاد والعقم منه سألته ليه هيك عملت حكالي اذا عرفو انه منك رح يضلهم يعملولي نكد و يصيرو بدهم يزوجوني أنا انبسطت وبنفس الوقت زعلانه عليه و زعلانه على حالي أنا نفسي أجيبله ولد والله نفسي أشوف قطعه منه بين إيدي ما بعرف اللي بنعمله صح ولا لا و لمتى رح يصبر بلا ولاد مع العلم انه قلي مع الايام بنتبنى ولد لانه اكتر من دكتور قلنا الحمل خلص مستحيل و اهلي بعرفو انه العقم مني بس كل الناس بتعرف انه العقم من زوجي
إدعولي و إنصحوني ️