×

السلام عليكم

انا بنت مخطوبة من سبعه شهور وعمري 26 سنه متخرجه من الجامعه، طموحة كثير، بشتغل بمستشفى خاص، تعرفت على خطيبي بالشغل بعدما حبني لمده سنه حب من طرف واحد، اعترفلي وتقدملي واهلي قبلوه بشرط وحيد وهو التفاهم بيننا، وقلت خلص لاقيت نصفي الثاني، حبيته كثير لأنو في كميه إنسجام وتفاهم بيننا حتى كثير ناس بيقولولنا انتو أجمل ثنائي، بس مافي شيء كامل، تنازلت ع كثير شغلات مشانه وقلت مافي حدا كامل ومكمل بالحياه وقبلت اسكن مع أمو لأنها وحيده وماعندها بنات يونسوها، بس هو شغله مو مرسم ومش مضمون ودخله مايكفي مع متطلبات الحياه الكثيره بعد الزواج.
.. دخلت لإمتحان توظيف لمكان كثير محترم ودخل مليح وبمكان كنت دايما احلم بيه وقدر الله ونجحت بالإمتحان ، هون خطيبي حطني بين خيارين ""يالشغل يا هو"" ..لأنو كان بده اتوقف عن الشغل بعد زواجنا واظل بالبيت !!! طيب ياجماعه الحب ما يطعمينا خبز !! بخاف اتنازل ع مهنة احلامي وبعدها اظل عايشه بتحسر ع حالي معه، وخايفه انفصل عنه و أندم، طيب يلي بيحبك راح يشجعك ويتنازل مشان يعيش معك مو يحطك بقرارات صعبه .. انا تنازلت وماعاد فيني اتنازل حتى عن احلامي .. رغم اني وعدته انو ماراح اشتغل بس لحتى ندبر ونستقر ببيت ملكنا بس ظل ميبس راسو بده ياني اقعد بالبيت اساعد أمه ..طيب هي على العين والراس بس هالشغل راح يساعدنا ماديا و هو مهنه الأحلام قبل اي شيء ،،قولولي اذا بمكاني شو تسوو، بلاما تجرحو بدي نصيحه من القلب، والله قلبي مقسوم نصفين