خطيبي أم حبيبي ؟!!
مرحبا للجميع، مشكلتي بسيطة كثير بس بنفس الوقت صعبة ومشربكة، انا فتاة في عقدها الثاني، احببت شابا عن طريق الصدفة واستمرت العلاقة لمدة ثلاث سنوات المهم في يوم اجى وصارحني انه متجوز وعنده ولد، انا بالبداية ما كنت بعرف... رده فعلي لاخلص من هذا الشيء اني بديت افتح حياة جديدة قدامي... بس هو الي طلب مني افتحها على نية انه بدو يطمن علي وعلى حياتي... ويشوفني مبسوطة... خطبت وبدأت اتعلق واحب خطيبي واكتشفت انه الحب بجي مع العشرة... مع العلم اني مش ناسية الماضي بس عم بتناسا وبحاول اكون قوية واتقدم بحياتي... ولاني عم بكافح كثير ... في صراع مع حالي ونفسي ... نحفت كثير تراجع تحصيلي العلمي... بس بعد سنة عاود حبيبي ظهر بحياتي فجأة... عملي مفاجأة اجى من محل لمحل قطع مسافة كبيرة كثير على شان يشوفني...على حكيه انه بدو اياني... ومش عارف يكمل حياته بدوني... بس انا مش عارفة كيف اتصرف صرت مشتتة كثير... لما شافني قالي اني نحفانة كثير ... قالي كنتي وردة وعم تذبل... بس هو مو عارف الشغلات الي حاملتها بقلبي وعم حاول اخفيها عن يلي حوالي وما اظهرها والله شعور صعب كثير ... ومشتتة مش حابة اظلم حد... شو اعمل ؟!.