×

السلام عليكم

انا ضايعه و محتاره ومشاعري مخربطه مرتبطه بشب حبيتو كتير خطبنا و بدر منو مواقف و تصرفات كنت ابررله اياها دايما انها حب و غيره زياده ... بس يعصب بحكي كلام بجرح بعد هيك بنسى شو حكى بغار كتير حتى انو بغار و بزعل اذا عبرت عن حبي ل اخوي أو ابوي زياده... بكره اطلع من البيت و بضل يحكي معي و ينكد عليي ما بقدر يكون هادي و رايق لما انا اكون طالعه بتوتر كتير و يوترني معه مع انه بحاول يكون هني بس ما بتزبط معه ما بقدر يضل هيك اكتر من نص ساعه .. بس يغلط معي ما بعرف كيف بلحظه بقدر يخليني انا الغلطانه و هو اللي نيته صافيه مع انو الموقف بكون واضح و بشككني بحالي.. بطلت اعرف هاد حب او لا وهو حدا بقدر اكمل معه حياتي أو لا.. مرات بكون بدي اتركه من قهري بعدين يتخيل انو يحب غيري بنقهر اكتر ما بقدر اتخيل.. مو متخيله.. شقيانه بقربه و ببعده مو قادره اضل معه و مو متخيله ابعد عنه..