حبي له أصبح مرضا
السلام عليكم
مرحبا انا عمري 20 سنة وما عمري مريت في اي تجربة حب الا من فترة 3 اشهر في زميل الي بالجامعة لقيتو على الفيس بوك وضفتو عندي وحكى معي وطلب مني كتاب واعطيتو اياه وكنت عادي جدا اعتبره مجرد زميل وبس يومها روحت ع البيت والله بشهد انو ما كان في بالي شي ..ونمت وحلمت فيه انو بحبني كتير ولبسني محبس واعترفلي بحبه فكرت شوي بالموضوع وحكيت مجرد حلم ومع الايام لقيت حالي عم بضل احلم فيه ..ودايما احلم انو بحبني كتير ومع الوقت لقيت حالي بحبه وبموت فيه ..حتى انو تقدملي شب مواصفاته ممتازة ورفضته كرمال حبي للشب الي بالجامعة ..ما بعرف شو يلي خلاني متعلقة فيه للهدرجة ..!!! انقلبت حياتي من هداك اليوم مع انه بحس انه معاملته الي معاملة زميل لزميلته وبس بس نظراته بتحكي شي تاني كتير بلاقيه بتطلع فيي بطريقة غريبة ما بعرف شو اعمل ومستحيل اصارحه بهاد الحكي او المحله مجرد تلميح بحبي اله ياريت تحكولي شو احسن شي اعمله وتعطوني نصائحكم الجدية وشكرا كتييير.