×

مرحبا ..
انا صبية اهلي منفصلين من زمان وانا ما إلي مكان محدد اعيش فيه ..ومش مستقره نهائيا ..

وانا صغيره كنت بدي ادرس واعمل لنفسي مستقبل كبير وما كان عندي هدف زواج

همي ادرس وبس كبرت ونجحت بالتوجيهي اهلي ما خلوني اكمل التخصص اللي بدي اياه ..

تعقدت لانهم حرموني من هدفي وتركت الجامعة وضليت بالبيت ..

مشكلتي عنيده وصعب اعمل شي مو مقتنعه فيه ..

انا عندي طموح ولهلا عم اقول لهم لو صار عمري 40 سنه رح ادرس ... وهلا صار حلمي بشريك حياتي معلق .. ادعولي الله يعطيني واحد يحقق لي حلمي ...

هلا المشكله انو بيجيني عرسان والحمدالله .. بس انا بدي واحد قبل ما ارتبط فيه اسأله اذا بيوافق يخليني ادرس وﻻ ﻻ ..

بس لما ييجي الوقت إللي رح اسأله فيه بخاف من اهلي وبتراجع وببطل اسأله وبقول لاهلي ما بدي إياه .. ومش مرتاحة له ...

بخاف من اهلي اذا سألته وبخاف منه ما يخليني اكمل .. بختصر وبقول ما بدي اياه ... انا مش عارفه لمتى رح اظل عل هالحال .. قولوا لي شو اعمل؟؟