×

السلام عليكم

انا عمري ١٧ سنه كنت اشتغل باختصار شفت واحد واجا طلبني من اهلي اهلي رفضو بس انا صممت بدي اياه بس م تحطو الحق علي والله كنت جاهله المهم صار النصيب وجوزت ع ٢٠ سنه بعد مشاكل وخطبه دامت سنتين واشي المهم بعد العرس روحنا ع بيتنا صارت تيجي حالات تشنج ويروح نفسو انا نصدمت من الي قاعد بيصير صارو اهلو يحكولي ما تخافي هاد توتر من العرس وعين وصابتو طبعا بضحكو علي وبكزبو علي بعد فتره من جيزتي اعرفت انو مريض نفسي وبوخد ادويه عشت ايامي معا كلها بخوف المهم انا كانت اول سكنتي بالعيله رضيت بالهم والهم م رضي فيا كانت حياتهم كلها وساخه وقرف وقمل ي ربي انا نجنيت بس حكيت ارضي ي بنت والله بفرجها وابو م كان يتركني بحالي بدو الذهب لدرجه لما اطلع ع اهلي يفتشو غرفتي بدهم الذهب يبوعو عشان مخبي عند اهلي فضحوني ومشاكل رحت بعتلو سنسال خفيه عن اهلي حملت وولدت الله اطمني ولد واهلي هما الي دفعو المستشفى ووللبيبي احتاج خداج واهلي الي دفعو وكل اشي اهلي الي يدفعو هما ما الهم دخل المهم بطلت اوخد راحت صرت اطالب بيت لحالي قام حماي طردني من بيتو الفجر وانا نفاس كان الي والده ١٥ يوم لانو م بدو بحكي انا م عندي ولد يسكن لحالو للعلم جوزي كان يعطي كل شهر اجره الغرفه ٢٠٠ ليره احكيلو هيو بدفعلك ٢٠٠ الك بنستأجر فيهم بيت كبرت المشاكل رحت ع اهلي وحردت وصارو يحكو ابنا م بقدر يفتح بيت اجيت ع حالي وحكيت ببيع دهبي ويفتح في بيت وبالفعل هاد الي صار برجع بحكي رضيت بالهم والهم م رضي فيا وم خلصت المشاكل صار شهر يشتغل وشهرين يقعد وم بدو يشتغل ولا متحمل مسؤوليه البيت الي عندو طبعا كل هاد الوقت واهلي الدعم الي ال جوزي ولكل شي يجيبولي اكل وشرب حتى دخان الو يجيبو صار ينكسر علينا أجار البيت والكهربا الخ .... كان معي سنسال بابا جابلي اياه رحت بعتو عشان يدفع الكهربا الي مقطوعه علينا وكل هاد الشي اهلو م تعرفو علينا كل شي ع اهلي حتى الاجهزه الكهربائية الي ببيتي من اهلي يعني بالمختصر انا مجوزه اهلي مش جوزي زادت المشاكل وحردت عند اهلي صرلي سنتين عندهم وهو مره بيجي بكزب ع اهلي ومره بغيب رفعة عليه نفقه وما بدي اياه خلص كرهتو والله هاد غير كان يتعرضلي بالشارع ويسب علي قدام الناس وكل هالئهانات واهلي بدهم يرجعوني الو انا م بدي بحكولي مش هاد اختيارك بدك تتحملي طيب اختياري كان طفولي كنت جاهله ما بميز بين الصح والغلط فرق بين ما كان عمري ١٧ وبين هلا ٢٥ اخر جماعه اجت عشان يرجعوني بابا اتفق معهم رجعولي الي صرفتو ع كنتكم وأولادها وتعالو خدوها ي جماعه انا اختصرلتلكم اشياء كتير انصحوني لوجه الله احكولي شو اعمل دلوني ي اهل الخير اموت ولا ارجعلو... يا رب
بدون اسم لو سمحت"