أخر الأخبار
هل أسكن في بيت حماي ؟
هل أسكن في بيت حماي ؟

السلام عليكم

أنا فتاة خاطبه منذ اقل من شهر وفيه اقتراح اسكن عند بيت حماي في غرفة منفصلة ولها مطبخ وحمام

أقنعت خطيبي إنه إذا لقينا بيت صغير إنه ما نسكن عند اهله ..هو وافق بس بدنا إيجار رخيص ..

صرت أدور على بيت صغير مكون من غرفة وصالة ومطبخ وحمام ماعم بلاقي بيوت رخيصة كلها اكتر من 200 دينار

انصحوني شو اعمل ؟؟ انا بصراحة خايفة اسكن مع اهله لاني ما رح أقدرأتاقلم وخطيبي متضمن محل موبايلات وبيطلع باليوم 15 دينار يوميا بس راتب شهري مافي..

وأنا راتبي بوصل 300 دينار

شو بتقترحوا علي ؟؟  اضل ادور على بيت لحد ما الاقي وإلا اسكن في الغرفة ومنافعها اللي في بيت أهله مؤقتا وخاصة انهم بيحكوا انهم بيفكروا يوسعوا البيت بعد كم شهر ويعطونا شقة لحالنا

والذهب .. لو تنازلت عنه عادي وإلا هالشي بيقلل من قيمتي بعيون خطيبي وأهله ؟؟

بتمنى تساعدوني بدون تجريح وشكرا على ردودكم

الله يجزيكم كل خير