×

السلام عليكم

انا رجل عمري ٢٨سنه دارس ومتعلم الحمدالله ..مارح اطول بقصتي رح احكيها بالمختصر ..من سنتين مات خالي ومرتو بحادث على طريق السعوديه ..خالي كان عندو بنت عمرها ١٥ سنه وحيده ما الها اخوان جدتي وامي والعيله بشكل عام عرضوا عليي اتزوجها واستر عليها ..واجمالا البنت ما بتشتكي من اشي جمال وادب والخ ...يعني لو كانت اكبر ب ٥ سنين كنت انا طلبتها للزواج ..فكرت فيها وحكيت بضلها بنت خالي وربيانيين سوا ويلي منعرفو احسن من يلي ما منعرفو ..خطبتها بعمر ١٥ كتبت كتابي عليها وهي بهاد الوقت ضلت عند جدتي بعد بسنه المفروض نكون تعودنا على بعض تجوزنا ما قصرت معها بأشي وهي مارفضت الفكره ابدا بالمره ..وعادي كان في قبول ..بس المشكله انا بحبها وتعلقت فيها صرت مش قادر اطلع مع صحابي عشانها خايف عليها وعلى مشاعرها بس مش قادر افهمها طفوليه كتير وبريئه بشكل لايوصف مفكره علاقتها معي اني ابن عمتها وبس زي اخوها وياريت نحط خطين تحت كلمة اخوها وانا قاصدها معنى وترجمه ..مابعرف كيف اتصرف النا سنتين متجوزين على هاد الحال ..مستحيل ترن عليي وانا بشغلي الا ازا شيبس او هبل مستحيل يجي عبالها تطلع غير على السوبر ماركت .بس افوت البيت فرحتها بالشوكلاته اكتر من فرحتها فيي ولا بتنتبهلي ولا بتعبرني قلت معلش بتكبر بتوعى بتفهم صارت ١٨ سنه وعلى نفس الحال ونفس الموال ..خايف اطلقها وخايف اتركها البنت ما الها ذنب طفولتها وبرأتها طاغيين عليها مش عارف شو اعمل انصحوني وشكرا