ضاع شبابي بالمرض
السلام عليكم
انا محتارة وبدي مساعده ومش حابه اسأل حد من الي حولي ... انا قصتي انه ضاعت اغلب سنوات عشرينياتي بالمرض مرض نفسي على عضوي وكل شي بخطر على بالكم ربنا ختارني الحمدلله وقدرت اعدي هاي المرحله واطلع منها وبرضه كثير حاولت بشغل منه وظائف ومنه مشاريع صغيرة ما في اشي زبط معي بهديك المرحلة .. بحاول حاليا أنجز بحياتي واحقق الاشياء الي بدي ياها وفعلا كثير بشتغل على حالي وبطور مستواي وبجرب ابلش شغل لكن بضل افكر انه بعمري وبالوقت الي ضاع مني بعرف انه مش بإيدي ابدا وقدرت اطلع من مرض كان عندي اكثر من 10 سنوات ونفسي اسمع كلام يشجعني وبرضه عندي خوف كبير ابلش الشغل عندي خوف من الفشل لاني فشلت بأكثر من إشي قبل كيف بدي اطلع من هاد الخوف ؟ كل حد بعرفني بقلي انتي قوية كثير وبتقدري تطلعي من كل مشكله وبتقدري تعملي كل إشي بدك ياه بس انا مش عارفه انا ما بصدق انه في انسان قوي .. وشكرا