كيف ابدأ حياتي من جديد أدرس وأعمل وأسافر
السلام عليكم
انا بحكيلكم قصة حياتي ع السريع انا كنت محبه للدراسه بشكل جنوني وأهلي بعد الثانوي زوجوني واحد مايخاف الله بعد ١٥ سنه بالضبط خلعته والحين ابي أحقق كل طموحاتي من دراسه وسفر وكل شي اتحرمت منه ابغا اعوضني بس لي سنه مو عارفه ايش اسوي مافي وظيفه ولا اقدر ادفع تكاليف دراسه ومابي اضيع سنين ثانيه وانا حاطه يدي ع خدي ابي ادرس لاني متعلقه جدا بالدراسه ومره ودي اكمل ففكرت اخذ سلف من اخواني وادرس دبلوم موارد بشريه او دبلوم تصميم داخلي ومحتاره ايش له مستقبل هنا بالسعودية يعني اقدر اتوظف بعده مباشرة او اخذ دورات مدري انا درست جامعه محاسبه سنه ٢٠١٦ وماكملت لأنها مكلفه وكان طليقي غير مسؤول والان عندي مسؤوليه نفسي وبناتي وابي ابدا حياة جديده لنا كمان في دبلوم اعلام رقمي ودبلوم الأمن السيبراني لكن مافي غير اون لاين وانا ابي حضوري اطلع من جو البيت واختلط بالناس ابغاكم تنصحوني الله يسعدكم