×

مرحبا

'اعترافي او مشكلتي هي انه
انا شخص عديم احساس .. ما بشتاق لحد ... حتى بحس اني عايش من قلة الموت ... يعني لولا الانتحار حرام .. زمان انتحرت .
الكارثة مش هون .. الكارثة اني محبوب جدا بين الناس.. والله بدون مبالغة .. زي المجرمين بالافلام .. صامت وهادي.. وبسمع ... بطلع عالناس وبفهم ليش زعلانين ... وبفهم شو لازم اعمللهم .. بس ما بحس فيهم ... ولا بشفق ولا بحزن ... بشعر اني مش بني ادم لما اشوف كل الي حوالي حزنانين على ام مات ابنها وبتبكي .. وانا فش حد هون ... وبصير امثل زيهم .. او فيديو ذبح وحرق.. وانا فش نفور حتى
والاناث .... أمي متعلقة فيي اكثر من كل خواني ودايما انا محل اسرارها ... واخواتي كمان ... انا كل اشي بالنسبة الهن ... لاني بفهم شو بدهم بس من تطليعة عليهن او حركة بعملهوها او اي تلميحة ..واذا دخلت على بيت اهلي من وانا صغير .. بتتحول وجوهن لسعادة ... قبل ما اتزوج ولا علاقة مع جنس حوا .. نظرة شهوة فقط ... كل بنت بالشغل بتقعد جنبي وبتضل تحكي ..وانا بس بسمع بتصير تحكي قال انت بحسك الوحيد الي بتفهم كلامي وبتصير تطلع بوجهي.. انه انا الرومنسي ابو قلب... عاد انا لا حاسس ولا بطيخ .. بس مجرد فهم مش احساس .
وًمرتي ...مش عارف اذا غلطان معها ولا لا .. طبعا معاملتي معها ممتازة من الخارج .. بس فش ولا احساس عاطفي جواتي ...بتحبني زيادة عن اللزوم .. لانه انا بفهمها من تطليعة .. بعرف شو مزعلها وبتذكر كل مناسباتها ... وما عمري جرحتها حسب قولها .. ابوها ما حد من نسوان خواتها بقدر يتحمله غيري .. ببهدل الكل .. طبعا انا فش احساس ..بس بسمعله .. وصافن بخلقته .. و طبعا صرت عنده الشب المؤدب الي بحترم الكبير ..وانا نفسي اشمط راسه واريح البشريه منه ... مرتي لما انا عملت حادث اغمى عليها .. اذا صارلي اشي بتتعب كثير ... وانا مش ظالمها بشي طبعاً ... وهي بتهتم فيي اكثر من ابنها .. مع اني بديش اهتمام ... بس بمثل اني سعيد علشانها
. يعني بتحبني 
بس انا بحبهاش.. ولا بشتاق الها .. راحت عند اهلها ولا بالبيت .. ما بتفرق معي ..كله تمثيل وانا مش متضايق بس حبيت احكي هون...
لاني بنبسط لما اتفرج على كلامكم ... الي فيه ناس بتحس ومجروحة وسعيدة وحزينة ... ومرات بعلق نفس كلامكم بس هيك كوبي بيست ....وبستفيد من البنات عن الاشياء الي بتضايق الاناث.. لانه لحالي ما راح احس فيها... علشان مرتي
مش عارف شو احكي بس لولا اني عايش علشان اوخذ حسنات .... أو لولا اني مسلم .. لكان صرت قاتل متسلسل ... هيك بتوقع
ومشكورين '