×

السلام عليكم

'راح احكيلكم قصتي اعتراف وفشت غل بلكي حد عندو نصيحه الي ..
انا انحطيت بكثير مصايب بحياتي ومواقف سيئه جدا وحمدلله كنت اطلع منها عملت حالي بذراعي ما حد ساعدني ولا وقف معي تخرجت هندسه واشتغلت بعدة دول وكملت درسات باروبا طول عمري تركيزي على شغل والدراسه واني اكون ناجح ومتميز ما عندي كلمة مناسبه اعبر عن حالتي وقتها خلينا نقول كنت قوي انو ما بهمني غير مستقبلي وانجح و البنات ما كانو بعنولي شي بحياتي وما الهم اي اهميه بروحو وبيجو عمري ما سالت او فكرت ببنت او اهتميت بس بنفس وقت عمري ما ظلمت بنت او اذيتها او غلطت معاها من البنات الي كنت اعرفهم وحده هي ضلت معي فتره طويلة يعني كانو يروحو ويجو البنات وهي موجوده كل يوم نحكي ما بنكر كانت عزيزه عليه بس انو اصحاب بفتره غابت عني اسبوع ما بعرف عنها شي بهاد الاسبوع انجنيت انقلبت كل حياتي انا وقتها عرفت قديش هي غاليه على قلبي قديش غيابها بفرق معي .. عرفت اني بحبها ابدا ما كنت مبسوط حسيت بمصيبه نزلت على راسي (انا الحب عندي ورطه ) المهم رجعت واعترفتلها بكل شي وهي حكتلي من اول ما تعرفنا وهي بتحبني وكتير اشياء صارت عشت معاها احلى ايام عمري هي الحب الاول بحياتي بنت روعه ذكيه قوية شخصيتها جباره مش سطحيه عشقت كل تفاصيلها حتى الي بنظرها عيوب فيها انا عشقتهم قدمتلها وعملت عشانها اشياء مجنونه ما حدا بتخيلها واشياء كثير صارت بالاخر تركنا لاسباب يطول شرحها تركنا ب ١٤ /١ حالتي حاليا انا ميت ما الي نفس باي شي ٢٤ ساعه براسي ما عم تطلع من راسي وتفكيري بنام بحلم فيها طبعا شغلت احلم فيها صار الروتين اليومي تبعي عايش بنص عقل نص معاها بفكر شو عم تعمل كيف امورها منيحه بخير محتاجه شي ونص تاني من عقلي مقضي فيه يومي ما الي نفس اعرف اي بنت او اكون مع اي بنت بالبداية لما تركنا تعرفت على كتير بس والله ما قدرت اكمل مع حد صورتها بعقلي كل ما اقعد مع بنت بشوفها بلمحها بكل بنت بشوفها بكل شي بطلت بدي حد وما عندي بحياتي حد حاليا حتى صاحبات ما بدي وزواج رافض الفكره نهائيا ... شعور مقرف وضعف مقرف انا عمري بحياتي ما توقعت اكون ضعيف هيك ٨ اشهر وما نسيت وما تغير شي انا مش بس بحبها انا بعشقها بس مستحيل نرجع . شو اعمل انصحوني لاني تعبت من هالحاله ... الي بدو ينتقدني ويسبني ادعيلي بالفرج الله يفرج همك. بدون اسم '