×

السلام عليكم

بس من اول يوم بلش رمي الحكي وتسميع الكلام ومين بده يوخذك وانتي فاسخه بالمحكمه ومين بده يطل بوجهك
بس الله رد كيدهم
بعد ما فسخت ب اسبوعين رنت وحده قرابتنا بدها ياني لابنها كانت تقول انها كانت بدها تطلبني قبل ما اخطب وما سمحت ظروفهم
ولما سمعت اني فسخت ع طول طلبتني
بس الي مضايقني انهم ساكنين نفس منطقة خطيبي السابق والعيلتين بيعرفو بعض والشب الي طلبني نفسه هو واخوانه اجو ع جاهتي
شغله معقده اقسم بالله ماني مصدقه الي بصير معي والتعقيد الي انا فيه
امه كل شوي بترن بدها تعرف الرد ومستعجلين
انا رافضه قطعا
اول اشي انا ما صدقت اخلص من الاول هو واهله عشان يطلعولي بخلقتي لانهم زي ما قلت انه سكان نفس المنطقه
ثانيا نفسيتي كثير تعبانه ومتضايقه من الظروف الي صارت معي بالاضافه انه صحتي متراجعه كثير
بس الي كاسر ظهري هو ابوي
زعلان مني كثير ما بيحكي معي لاني رافضه
بقول الشب كويس وابن حلال ووضعه المادي ممتاز وبنعرفهم وبنعرف اهله وامه بتحبني بتموت علي مو مصدقه واصير عندها
كل البنات بقولولي حظك قوي مين في بنت بالدنيا كلها بتنخطب بعد اسبوعين من فسخ خطبتها حتى الي كانو يرمو علي حكي انصدمو
انا نفسي انصدمت
اقسم بالله اني بوضع صعب جدا
انا صحيح من جوا رافضه
بس ابوي صادق بكلامه بده مصلحتي وانا مزعليته وهو اغلى اشي بالدنيا
اعتبروني اختكو وساعدوني اقسم بالله حالتي النفسيه صعبه جدا ومحتاره بين قناعتي الشخصيه ورضى ابوي وامي كمان لانها هي زعلانه مني
وبنفس الوقت خايفه من التجربه مره ثانيه ومن السرعه
بس مرات بفكر بقول معقول ربنا بده يعوضني لاني مؤمنه فيه 
ومشان كمان الناس يبطلو يسمعوني حكي طالع نازل
ساعدوني وسامحوني عالاطاله