أستاذي بالجامعة معجب بي
السلام عليكم
انا طالبة بالجامعة وعمري 22 سنة واستاذي بالجامعه بحس انو معجب بي ..بعرف الو من تصرفاتو وحركاتو وحتى كلامو معي وانا والله مو عارفه هو بحبني ولا بتسلى وبضيع وقتو ..مع انو والله العظيم انسان محترم بمعنى الكلمه متدين واخلاقو رفيعه جدا وكلامو ثقيل وما الو في سواليف البنات مع انو عمرو 28 سنه...ماشا الله عليه اللهم لاحسد .. انا اخذت عندو ع الصيفي وصاحبتي حكتلي انو الاستاذ بميزك غير عن البنات مع اني ولا عمري حكيت لصاحباتي انو الاستاذ معجب ..بس مابعرف هيه اجت صدفه ولاشو؟؟ وكمان بحسو بغار عليي مره اجا شب بدو يقعد جنبي بالامتحان واجا مثل الطياره ونقلو بعيد عني ... ودايما وكثير في المحاضره بلاقي عيونو في عيوني ..ولما اطلع عليه بتلبك وبعمل حالو مطلع من الشباك ..والله العظيم انا حاسه فيه .....بس المشكله انو هو خجول بخجل من البنات.والمصيبه الاكبر انو انا خجوله بشكل مو طبيعي حتى من كثر خجلي بخجل اطلع ع السبوره لما يشرح بخجل انو تجي عيني ف عينو.. ومره رحت عليه في المكتب علشان اراجعو بورقه الامتحان صار يمدح فيي ويحكي انتي ماشا الله عليكي من جميعو ... واول امتحان اخذتو عندو رسبت فيه ناداني وحكالي انتي ليش رسبتي ف الامتحان والله ماتوقعتها منكي .......واشياء كثيره زي هيك وبتمنى انكم تساعدوني لاني عنجد انا بلشت احبو ..واغلب تفكيري فيه