أرشدوني
السلام عليكم ورحمة الله وبركاته
انا زلمه متجوز وعندي بنتين صغار 11 ،13 سنه.. وساكن بشقه مقابل لشقه والدي ووالدتي ..بحترم اهلي بس كتيييير بتدخلو بتربايتي انا وزوجتي للبنات.
مثلا: مافي داعي بناتي يزورو صاحباتهم .. مش ضروري معهد الانجليزي..وازا اجو صاحباتهم عندهم والدتي بتقعد عند زوجتي لحتى يطلعو صاحبات البنات.. حتى والدتي ازا شافت فستان عالبنات وما عجبها تحكي كلام لزوجتي انو هلاء لازم يغيرو الفستان.. وزوجتي جلدت كتب بناتي..والدتي مسكت الجلاد ومزعتو لأنو الجلاد مش مرتب..واخر مشكله صارت انو امي دخلت على( بيتي) بدون ما نعرف وانا وزوجتي بالعمل ..بحجة تاخد لحمه من التلاجه وتطبخ لبناتنا ..علما انه زوجتي بتروح بكير ع البيت وبتطبخ للبنات .. ومش طالبين منهم شي.. وزوجتي انزعجت كتير خصوصاً من اخر موقف فتح باب الشقه واحنا بالخارج وطلبت نطلع من الشقه والمشكله وصلت للطلاق ..بعرف هاد تدخل زايد عن حده من أهلي بس ما بدي اخسر زوجتي لانها رائعه..وبنفس الوقت هدول أهلي شووووو الحل يا جماعه؟ حكيت معهم بالهدوء وما عجبهم.. اطلع من الشقه ؟