×

السلام عليكم ورحمة الله وبركاته

مشكلتي اني حبيت واحد ل 6 سنين و كنا مع بعض بداية هالفترة اصدقاء و اخوة و لقدام شوي بعد ما دخلت معو بنفس الجامعة تطورت علاقتنا وصرت احبوا حب  كتير و حبني كمان يمكن اكتر ما حبيتو من لما بلشت العلاقة حب صارت مشاكل كتير بينا .

كل يوم مشكلة كل يوم نكد على اتفه الاسباب كنت اجي ع حالي كتير لاني بحبو ولاني ما كنت بدي هالعلاقة تنتهي ..

حكيت لاهالي عنو و اهلو بعرفو عني 

كان المفروض بعد الاتفاقات بالعيلة انو الخطبة تصير بعد ما يتخرج 

انتهت العلاقة بيني وبينو انا نهيتها لانو بهيني كتير دايما بحسسني اني غلط 
دايما بحط الحق علي بكل شي .. بغلط علي كمان بحجة انو معصب 

ازا كان صاير معو شي بيجي بتفشش فيي انا و انا بتحملو لانو هاد واجبي اتجاهو ..

تركتو بس انا بحبو كتير وما بتخيل اني اقدر احب بعدو ولا بتخيل حالي مع انسان تاني اشاركو نفس العواطف و المشاعر والاحلام