×

السلام عليكم

عمري 34 ومش متزوج واسكن مع عيلتي ابوي وامي واخوان ثنين ومشكلتي ابوي صارلو سنه كامله بحكيش معاي ولا كلمه لاني زعلتو مني بكلام حكيتو وانا زعلان وبعرف ما كان لازم احكيه لكن غلطت.

بحاول لما نكون عالغدا او العشى احكي ولكن ما برد علي وكثير مرات بترك الاكل وبقوم على غرفته والمشكلة اني انا ما بعرف اتأسف لبني آدم ومش عارف اعتذر لابوي وزمان كان يزعل وبعد فتره كانت الامور ترجع طبيعيه بس هالمره شكلو زعل كثير وما بحاول يرجع الامور طبيعيه.

مليت من هالاسلوب ومش عارف شو اعمل بفوت وبطلع من البيت ولا بسأل وين رايح ولا منين جاي اهمال عالآخر ساعدوني واحكولي شو اعمل.