×

السلام عليكم

أنا سيدة عمري ثمانية وأربعين سنة متزوجة من خمسة وعشرين سنة وزوجي مدير مدرسة أكبر مني بخمس سنين يعني عمرة ثلاثة وخمسين سنة 
وعندنا ولدين متجوزين وبنتين بدرسو في الجامعة 
مشكلتي إنه زوجي بيفكر حاله دمه خفيف ودايما بمزح معي مزح مش حلو دايما بحكيلي ' ولك انتي نصحانة . . شو رأيك تسوي رجيم ' مع العلم اني كتير محافظة على وزني 
وبلعب تمارين رياضية ومحافظة كتير على الأكل الصحي 
ومرات لما يصحى من النوم بحكيلي 'صباح الخير يا ختيارة . . او مرات بحكيلي' يسعدلي هالشيب اللي معبي راسك . . . 
طبعا أنا باخذ على خاطري وبزعل كتير 
بس ما ببينله الزعل . . بالعكس ببتسم ابتسامة مقهورة عشان ما يفكرني بتأثر بكلامه 
مرة حكيت لجارتي عن العمايل اللي بعملها وكلامه الجارح قالتلي ' إحكيلة زي ما بحكيلك ' 
بس أنا ما بقدر اتبع نفس أسلوبة لأني بكره هاد الأسلوب وبحس إنه اذا رديت عليه بنفس طريقته ممكن الإحترام اللي بينا يتلاشى 
مرات بلمحله إني بزعل من هادا الكلام بس دايما ردة فعلة بتكون نفس الشي 
بحكيلي ' كبري مخك يا ولية انا بس بمزح معاكي . . انتي ما بتتحملي مزح يا ولية ' 
آخر مرة بينتله اني زعلانه . . عصب كتير وعمل مشكلة معي وحلف يمين إنه ما يمزح معي من اليوم وطالع نهائيا 
وبعد يومين طلع كل كلامه في الهوى . . ورجعت حليمة لعادتها القديمة انا تعبت كتير ومش عارفة ايش أعمل معاه 
اذا عندكم طريقة دلوني ؟