×

السلام عليكم

مشكلتي زوجي خاطب وناوي قريبا يتزوج من وحده حسبي الله عليها ونعم الوكيل لفت عليه وانا عارفه الي تلات شهور بس مو راضيه اخرب بيتي عشان ولادي كاسرين ظهري وهو مش مستغني عني ومابدو يفرط فيي وبنفس الوقت مش راضي يترك التانيه وانا مش راضيه بهالوضع منهاره ومو عارفه اعيش وارجع متل قبل لا مع زوجي ولا مع ولادي يعني تعبانه نفسيتي كيف زوجي عمل هيك بعد هالعشره 18سنه زواج وست ولاد والحمدلله ما جاب احلى مني ولا ارقي ومافي مقارنه انا بنت العفه والصون الا جاب جاهه طويله عريضه لحتى يخطبني من اهلي مو متل هديك الحقيره علاقة تلفون وحب ومعشقه حسبي الله ونعم الوكيل ع كل وحده بتلف. 
ع واخد متزوج لانها خربت حياتي بعد ماكنت انا وزوجي اسعد اتنين ع وجهه الارض هلأ السؤال كيف اتعامل مع زوجي مو طايقته وبضل انكد عليه وهو بلش يطفش مني بس مو قادره مو بايدي ارجع احبه واحترمه متل قبل هو بيحكيلي حاربي واكسبيني لا تفرطي بحبنا وبيتنا بده ارجع احبه وادلل فيه متل قبل مع العلم هو منيح ومو مقصر علي بشي (حسبي الله عليها ونعم الوكيل الا دخلت في حياتي قلبي محروق ومجروح ومكسور )