ما عندي شخص أشكي له همي
مرحبا
انا بنت عمري ٢٠ سنه اهلي انفصلو لما كنت سنتين وما كنتاعرف امي اتربيت باهانه عند دار جدي كانو يطلعو ويتركوني انا واخواني بالبيت ليروحو كبرنا شوي زادت المسؤوليه ع بابا بطل يقدر ينتبه علينا و هو عندو شغل قرر يتجوز بوحده تهتم وتدير بالها علينا وتعتبرنا متل ولادها طبعا مرت ابوي كانت مره منيحه ومره لا واهلها ما كانو بحبونا ابدا اجانا اخوان منها و انفصلت كمان هي عن بابا هلا انا واخواني عايشين بالبيت مع بابا كل المسؤوليه علي تدريسهم وشغل البيت و دراستي غير اني اطبخ واغسل والاحق ع طلبات دار جدي ومو مسترجيه اهرب من هالواقع واتجوز لانو راح يضيعو وراي ما في مين ينتبه عليهم و يخدمهم و ونفسيتي بتخزي مع العلم ما عندي حد افشلو قلبي امي مو موجوده بعرفها زيها زي اي مره غريبه عدد المرات الي شفتها فيهم بنعدو عالاصابع و مو هالعلاقه بيني وبينهامجرد فضفضه الله يهونها ياا رب.